2015/12/22

Sto Tomas eta Olentzero

Urte bukaerako txirigota heldu da, eta Olentzeroari abestiak eskaini dizkiogu, txikitxuak hasi, nagusienak jarraitu, eta danok elkarrekin "Olentz ero"ari abestu. Oso ondo pasatu dugu  eta abestiak ikasi baino askoz gehiago ere egin dugu: Keinu hizkuntzaz abestiak landu, beste herrialdetako hizkuntzak ezagutu.....  
Orain oporretan deskantsatzea tokatzen zaigu, eta bueltan, azaldu dizuedan bezala beste irakasle bat eukiko duzue. Ni ikastaro bat egitera noa, urtarrilean ez naiz zuekin egongo, beraz, oporrak disfrutatu, ondo pasa, eta andereño edo maisu berriarekin  nirekin bezala egon eta disfrutatu. Apirilean elkarrekin egongo gara berriro!!
URTE BERRI ON ETA MUXU HANDI BAT GUZTIONTZAKO!!


2015/12/17

1. ebaluazioa amaitzear dago

Konturatu zarete jada, oporrak hementxe bertan daudela, ezta? 
Gelan, ebaluazio honetan egin ditugun grabaketak non dauden azaldu dizuet, blogaren eskumaldean bai, baina ziur baten bat ez dela enteratu, beraz, azpian dagoen argazkian klikatzen baduzue, bertara helduko zarete arazo barik.
Hau baino askoz ere gehiago egin dugu, bai, baina egiten dugun guztia ere ez dugu grabatzen.
Disfrutatu zeuen bideoak eta besteenak ikusten!!


2015/12/11

6. mailako lanak "GURE FAMILIAKO MUSIKA"

6. mailan ordenagailuak erabiltzen ditugu, musikarekin zerikusia daukaten hainbat lan, taldekoak edo norbanakoak egiteko. Oraingoa banakako lana izan da, eta nobedade bezala, GOOGLE APPS erabiltzen hasi garela esan behar dut, aplikazio guztien artean, GMAILA eta CLASSROOMa (ikasgela birtuala) ezagutu eta landu ditugu. Hau gutxi balitz, egindako lana PADLET deitutako aplikazioan jarri behar izan duzue, gauza berri asko, bai.
Niretzako aurreko lan handia izan da, baina oso gustora eginda: eskolarako domeinua sortu, bakoitzarentzako emailak prestatu, classroomak antolatu, zuekin batera gmailak eta gela martxan jarri eta, orduan, berez musikako lana dena hasi.
Ebaluazioa amaitzear dago, eta arazo tekniko batzuk kenduta, gure wi-fi maitia, dena oso ondo joan dela esango nuke, nik behintzat oso pozik nago eta, gauza pilo ikasi dituzuela ziurtatu dezaket.
Hementxe duzue egindako lanak. 




2015/12/04

Euskararen eguna Basurtun

Lan handia egin ostean, eguna heldu zen eta, ekintza pilo eta oso politen artean, prestatutako  "Albaola" egin genuen. Hemen dago emaitza, lan bikaina eta dibertigarria oso. Eta gogoratu: EUSKARAZ  DANTZATU, ABESTU, .JOLASTU.....EUSKARAZ BIZI NAHI DUGU


Beste ekintzen bideoak eta argazkiak ikusi nahi baldin badituze, eskolako blogean daude, 
                               HEMEN KLIKATU

2015/11/30

Peru eta Otsoa, S. Prokofiev

2. ebaluazioan BOSeko kontzertu didaktikoetara joango gara. Aurten, 1. eta 2. mailako umeek Peru eta Otsoa ipuin musikalarekin gozatu ahal izango dute. Goizegi dela pentsa dezakezue, baina hurrengo ebaluazioan ez naizenez ni egongo, gauza batzuk lotuta utzi nahi ditut eta, horietako bat hauxe da.
Hementxe duzue ipuinaren bideoa euskaraz moldatua, ea gustatzen zaizuen.

Gutxi barru gauza gehiago!



2015/11/24

Olentzero dator

Ez dugu oraindik Euskararen Nazioarteko Eguna ospatu eta, gabon kantak prestatzen hasi gara.
Aurten, lehengo urtean abestu genituen ia abesti guztiak errepikatuko ditugu baina, ezberdintasun batekin, aurten abesti guztiak keinu hizkuntzaz abestuko ditugu, bai, batzuk bazeuden jada, baina osatu egin ditugu. Eta nobedade bezala, 3. zikloko ikasleek errumanieraz abestuko digute.....errumanieraz gehi keinu hizkuntza!, hau erronka handia daukaguna!. Beraz, denbora galdu barik, has gaitezen lanean.



2015/11/22

Boomwhackersekin lanean

Musika tresna berria estrenatzeko momentua heldu da. Presa barik hasiko gara, ariketa errazekin baina aldi berean dibertigarriak.
Taldeko lana, arreta, erritmoa, soinuen altuera, tenpoa...milaka gauza lantzeko.
Mila esker Itziar Sanchez eta Agurtzane Goitiari musika jardunaldietan aurkeztu zuten materiala erabiltzen usteagatik, lan bikaina zuena, wixan gehituta dago.

http://iratxeallend1.wix.com/boomwhackers

2015/11/17

Boomwhackersak heldu dira!!

Eta hori zer da? galdetuko diezue zeuen buruei.
Ba erantzuna oso erraza da.Tutu hauek musika tresna bat da, musika sortu, entzun, dantzatu eta jolastu ahal dugu beraiekin. 
Adi egon, gutxi barru hasiko gara lanean eta!






2015/11/12

Pentagramaenea

1. zikloan, Antton Juaristi eta Karmele Jauregiren   PENTAGRAMAENEA  lantzen ari gara. Istorioak kontatu, abestiak ikasi, mugidu, gure pentagramaenea propio apaindu....gauza pilo egiten ari gara, ezta?
Konturatu orduko, musikako notak ikasiak eukiko ditugu!
Baditugu jada, egindakoaren bideoak.




2015/11/02

Musika generoen mapa interaktiboa

Itzela atzo el poder de la música blogean topatu nuen MUSIKA GENEROEN MAPA INTERAKTIBO hau. Bertan 1382 genero ezberdinetako abestiak entzuteko aukera dugu. Bi aukera dituzue: mapa moduan ikusi eta genero bakoitzaren gainean klik eginez musika entzun, edo, zerrendatuta ikusi eta spotifyn entzun. trasteatzera!!

http://everynoise.com/engenremap.html

2015/10/29

Animalien ibilkera

Haur Hezkuntzan Animalien ibilkera abestia landuko dugu, eta animalien inguruan hainbat ekintza egingo ditugu, abestu, entzun, grabaketak egin.... eta dena jolasten dugun bitartean, taula prest, dadoak hartu eta has gaitezen!!

http://www.genial.ly/View/Index/57c45fbf1f0ad60c6059ae75

Euskal Herriko musika tresnak

Atzo topatu nuen wix honetan, EHko musika tresnak lantzeko aukera eukiko dugu. Nola landu aurrerago ikusiko dugu, gelan danok batera, taldeko lana, bakarkako lana.....
Irungo musika mintegian egindako lana da hau, niretzat oso baliagarria eta erabilgarria.

http://musikamintegiairun.wix.com/euskal-musika-tresnak
 

2015/10/28

Musika errekurtsoen bankuak

Gure Agurtzane Goitiak, Musika gela PDI bloga, "MUSIKA ERREKURTSOEN BANKUAK" baliabidea sortu du, bertan hainbat web, blog e.a eskura eukiko dituzue.
Lan hau sortzeko erabili duen aplikazioa PEARLTREES da, antolatzaile bat, sartu eta trasteatu.

http://www.pearltrees.com/marijeuraga/musika/id6486685



2015/10/26

OSKORRIren agurra

"Ekainean iragarri zuen bezala, 70eko hamarkadaren hasieran abiatutako ibilbideari amaiera emango dio Oskorrik udazkenean, Hauxe da despedidia birarekin." BERRIA egunkaritik hartuta.
Askok ez duzue ezer jakinko Oskorri musika taldeari buruz, baina 1972. urtetik  gaur arte, hau da, 40 urte baino gehiago, euskal musika munduan ibili den taldeari, merezi duen agurra emango diogu.
Hementxe duzue, aspaldin prestatutako lana, pixkat berrituta, ta guretzako prest. Has gainezen ikasten eta abesten!!!

http://iratxeallend1.wix.com/oskorri1

2015/10/21

4. mailan TUN PA

4. mailan gorputz perkusioa lantzen egon gara. Horretarako TUN PA lana prestatu dugu. Lehenengo grabaketa, 4. Bkoekin egin dut. 4. Dkoen txanda datorren astean izango da. Gozatu!



2015/10/20

3. mailan ZINEMARA GOAZ!!

Hementxe dago, gelan egindako lehenengo lana. "ZINEMA" koreografia prestatzen egon gara. Ezin hobeto pasatu dugu ensaiatzen eta emaitza ere, nire ustetan, ez da bat ere txarra.
Orain, beti bezala bideoa ikusi ondoren, egindako lanaren ebaluazioa egiteko prest egongo gara.
Lan hau Josu Mugikak antolatutako koreografian oinarrituta dago.

2015/10/11

Tun Pa

Gelan "Tun Pa" lantzen ari garela, batzuk erritmoaren doinuarekin hobeto barneratzen duzuela konturatu naiz, beraz, piano eta bateria oinarriak sortu ditut, baita partitura ere.

http://iratxeallend1.wix.com/gorputzperkusio#!about/cf5y

2015/10/04

Albaola dantzatzen

Oraingoan, Pirritx, Porrotx eta Marimototsen "Albaola" abestia hartu dugu eta koreografia ikasten hasi gara. Zeñek daki noiz eukiko dugun danok batera dantzatzeko aukera, agian pentsatzen duguna baino hurbilago!


http://iratxeallend1.wix.com/albaola

2015/09/29

Jolasten ikasi berrituta

Aurrera goaz wixen aldaketekin, orain askotan erabiltzen dugun JOLASTEN IKASIri txanda heldu zaio Eta hortik, beste jolasen baten bat topatzen baduzue, esan eta gehituko dugu.


http://iratxeallend1.wix.com/jolastenikasiht

2015/09/22

Lan ta lan 2015-16 prest

Ikasturte berriarekin bideo berriak sortuko ditugu, beraz, orrialde berria sortu dut pixkanaka-pixkanaka gure lanak bertan jartzeko.
Egindakoak ez dira desagertu, lasai!!
Lehengo urteko ekintzen bideoak eta gauzak ikusi nahi badituzue, argazkian klikatu, hortxe daude eta.

http://www.symbaloo.com/mix/prestatutakowixak

2015/09/14

Gorputz perkusioa berrituta

Esan bezala wixeko orrialde batzuen editorea berritu behar dut, hemen lehenengoa gorputz perkusioa. Orain arte egindako bi lan bateratu  egin ditut.

http://iratxeallend1.wix.com/gorputzperkusio


2015/09/12

WIXekin arazoak

Azkenengo egun hauetan FLASHean egindako WIXekin arazoak euki ditut. Eskolan ezin ikusi eta etxean bai, hau misterioa!!. 
Eusko Jaurlaritzari eta Wixekoei  emailak bidali dizkiet, asuntoaren berri euki dezaten, eta aldi berean konpondibe bat eskatzen. Konponbidea heltzen den bitartean, beste trikimailu batzuk erabiliko ditut, eta pixkanaka-pixkanaka, gehien erabiltzen ditudanank HTML5ean prestatuko ditut.
Eskertuko nizueke, zeuen eskoletan ere hau gertatzen bazaizue, Eusko jaurlaritzari honen berri ematea, agian horrela erantzuna ariñago helduko zaigu. Mila esker!!
Bitartean....pazientzia...

2015/09/08

Gorputz perkusioa

Dakizuenez gorputz perkusioa eta erritmoa lantzea asko gustatzen zait. Hementxe ariketa berri bat duzue, laister klasean landuko duguna. Hasi praktikatzen!!

http://iratxeallend1.wix.com/gorputzperkusioa#!tun-pa

2015/09/03

Musika ikasten ari gera

Imanol Urbietaren abesti hau, betidanik gustatu zait, baina ez dut inoiz lantzeko momentua ikusi. Aurreko ikasturtea amaitu baino lehen hasi nintzen honen inguruan lanean, eta  hainbat gauzen artean karaoke bat nahi eta behar nuela konturatu nintzen, beraz, Txatxangorria Euskal karaokearen egilea den Gabi de la Mazari laguntza eskatu nion, eta bera saiatuko zela esan zidan. Eta bai, uda pasa ostean hementxe dago lana bukatuta eta martxan jartzeko prest!!!!!
Mila mila esker Gabi egiten duzun lanagatik!!!


http://iratxeallend1.wix.com/musikaikastenarigara

2015/09/01

Nire familiako musika, PADLET erabiltzen.


Ikasturtea hasi eta tita batean lanean. Lehenengo proposamena 6. mailarako prestatu dut. 
MªJesus Caminoren blogatik "Clase de música 2.0" ideia eta lan bat oinarritzat hartuz, guretzako moldatu egin dut.
Lasai hartu, ondo irakurri dena, eta lanera!!  ONGI ETORRIAK!!!

http://iratxeallend1.wix.com/nirefamiliakomusika


2015/08/28

Trasteaconlatablet

Gela PDI blogean publikatu berri duten web hau oso interesgarria iruditu zait. Hainbat eta hainbat Apps tabletentzako, euskaraz zein gazteleraz. Aritza Goitiaren lana da, eta bera oso gutxi ezagututa ere, ziur nago merezi duela.

http://arigoitia.wix.com/trasteaconlastablet

2015/06/30

Oporrak!!

Ikasturtea amaitu da, orain bai. Lehengo astean zuek, eta gaur nire txanda heldu da. 
Aurten, eskola berria izan da niretzat eta elkar ezagutzea tokatu zaigu, zuek ni, nik zuek, eta ondorioa ez da batere txarra izan, nire aldetik behintzat oso gustora eta pozik egon naiz zuekin.
Orain deskantsatzeko unea heldu da, beraz, zuek!!!! disfrutatu, gozatu, bidaiatu, maite dituzuenekin egon, pilak kargatu eta irailean berriro lanera!!
Nik gauza bera egingo dut, lasai!! ta aldi berean, datorren ikasturterako gauza interesgarri eta dibertigarriak prestatzen hasiko naiz.
Muxu bana, eta irailera arte!!! txintxo ibili eta euskaraz bizi!!



2015/06/24

Ikasturtea bukatu da!!

Gezurra badirudi ere, beste ikasturte bat joan zaigu, eta urterolez 
6. mailako umeak ere badoaz.
Aurten euki ditudan 6. mailako taldeak oso majuak izan dira, eta gauza politak egin ditugu elkarrekin.
Eta ikasturtea ezin hobeto bukatzeko, hementxe daude haiek prestatutako abestien bideoak!! 
Zorionak egindako lanagatik, eta ondo ibili instituoan!!!

http://iratxeallend1.wix.com/6mailakoenagurra

2015/05/27

Kontzertura goaz!!

Gaur, Bilboko goi mailako kontserbatoriora joan gara BOSeko kontzertu didaktiko batekin gozatzera. Klasean landuta, bagenekien pixkat zertaz zihoan istoriotxoa, zeintzu musika tresnak agertuko ziren, musikak.....baina dena ez, noski!! 
Benetan merezi izan du, kontzertu bikaina, eta umeen gustokoa, denok eskolara pozik eta abesten!!


2015/05/23

koreografiak

Ez dakit ikasturte honetan denbora eukiko dugun ala ez, justu gabiz eta, bestela irailerako prest daukagu.
Musika hauekin, musika irakasleen jardunaldian koreografiak egin genituen Josu Mugikaren eskutik. Ezin hobeto pasatu genuen, dibertigarria, barreak...., beraz, guk eskolan egiten saiatuko gara ere!
Musika hauekin alde batetik zinemara joango gara, eta bestetik indiako bolywooda ezagutuko dugu!!



2015/05/21

Musika irakasleen VI. jardunaldia

Gaur musika irakasleen VI. jardunaldia ospatu egin da, bertan ikusitakoa, entzundakoa, eta batez ere egindakoa, benetan itzela izan da!!
Idei berri pilo material berria prestatzeko, lan handia aurretik, baina gogotsu!
Gauza batekin bakarrik gelditzea....ezinezkoa!!: Itziar eta Agurtzane BOOMWHACKERSen erabilera praktikoa azaltzen, "GELAN KANTUZ" Basilio Astúlezezekin, zoragarria benetan, fenomeno bat da!!, eta "DANTZA ETA MUGIMENDUA GURE GELETAN" Josu Mugikarekin.....
Hoietatik guztietatik, zeozer landuko dugu: abestiren baten bat, koreografiak ere....



http://www.b03sestao.es/home/noticias/vimusikajardunaldiak2015

2015/05/11

"Haizearen Herrira" Keinu hizkuntzaz

Bagoaz ikasturtea amaitzen, eta nola ez, azkenengo abestirako ere, gure eskolako keinu hizkuntzako andereñoen laguntza euki dugu. Mila, mila, mila esker kurtsoan zehar egin duzuen lan guztiagatik!! gozada bat izan da zeuekin lan egitea. Eta datorren urtean, zuek nahi baduzue jarraituko dugu!!
Berriro ere, mila esker: Saioa, Nekane, Tania, Noemi, Vanesa, Saioa eta Nagore!!!
Eta hementxe gure bideoa, danok ikastera!!



2015/05/07

AC/DC 3. mailan

3. mailan AC/DCren "Back in Black" lantzen egon gara. Behin erritmograma ta musika tresnak landuta, grabaketari ekin diogu, hemen emaitza. Artistaz inguratuta nago!!

video 


video




2015/04/27

Jolasten ikasi eguneratuta

Aspaldin ez nuela interneten jolas berririk bilatzen edo topatzen, eta gaur horretan ibili naiz, gauza interesgarri batzuk topatu ditut. Hementxe daude gehituta.

http://iratxeallend1.wix.com/musika-jolasak

2015/04/23

Haizearen herrira

Azkenengo egunetan Imanol Urbietaren abesti honekin bueltaka ibili naiz, zeozer egin behar nuela berarekin.
Ba hemen dago, gutxienez entzun, ikasi eta abestuko dugu, eta zeozer gehiago suertatzen bada....ere bai!!

http://iratxeallend1.wix.com/haizearen-herrira

2015/04/20

The cure, Close to me

"The Cure Ingalaterrako rock musika taldea da, 1976. urtean Crawleyen, Sussexen, eratua. Robert Smith, taldeko abeslari eta kantugilea da handik honakora ibilbide osoa bizi izan duen bakarra, eta asko dira formaziotik pasatutako musikariak."
Ikasturtea bukatzeko rock alternatiboa, post-punka musika mota egiten duen talde hau ezagutu eta landuko dugu.
Horretarako musika tresna ezberdinak erabiliko ditugu, zeñek daki: txirula, armonika, Orff musika tresnak...... 



http://iratxeallend1.wix.com/thecure

2015/04/15

Kontzertu didaktikoa

Datorren maiatzaren 27an, 2. eta 3. mailako ikasleekin, Sarrikoko musika konserbatoriora hurbilduko gara  kontzertu bat ikusi eta entzutera. Zorte itzela izan dugu, kontzertuaren gaia ZIRKOA izango da eta!! gure iñauterietan bezala. Hementxe duzue, eguna heldu baino lehen lantzen saiatuko garen hainbat gauza.

http://iratxeallend1.wix.com/zirkoa-datorkigu

2015/04/14

Vivaldiren Lau Urtaroak

Dakizuenez, orain direla hilabete pare bat, Antton Jauregi ezagutzeko aukera izan nuen, ta nola ez, berak sortutako hainbat lanen eta ideien berri ere. 
Horietako bat, Vivaldiren "lau urtaroak" lanean oinarritutako istoriotxoak aurkeztu zizkigun, eta izugarri gustatu zitzaidan materiala, ta lantzeko modua eta aukerak, beraz, bere materiala erabiltzeko eta wix batean jartzeko baimena eskatu nion, baietz esan zidan eta segidan lanean  hasi nintzen.
Antton Jauregiren beste materiala hementxe aurki dezakezue:          MUSIKAENEA
PENTAGRAMAENEA  
ARMONIKAENEA 



Oraindik gauzatxo batzuk falta dira, osatzen joango naiz, bitartean, zuek zeozer gehitzeko aurkitzen baldin baduzue, lasai bota eta gehituko dut.
Eta orain.....istoriotxoak kontatzera!!!

2015/03/26

Gure musikagileak!!

Urtarrila hasieran lan hau aurkeztu nizuen, bakoitzak abesti bat sortzeko ideiarekin. Lan honek hainbat gauza ikasteko helburua euki du, hoien artean: Sormena lantzea, musika sortzeko aplikazio bat ezagutu eta erabiltzea, elkarlana, interneten dauden orrialdeak "irakurtzen" ikastea..... Orokorrean dana lortu dela esango nuke, nahiz eta kasu batzuetan abestia ez bukatu. Ebaluazioa bukatu da, eta hementxe daude zeuen abestiak!! Agian baten-bat DJa, musikagile, abeslari bihurtuko zaigu?

http://iratxeallend1.wix.com/abestiak-sortzen

2015/03/20

Udaberrian kantuz

Udaberria heldu zaigu!! aitzakia perfektua udaberriaren inguruan dauden abesti, musikagile eta dantzak lantzeko. Haur Hezkuntzan Imanol Urbietaren abesti ezagun honekin hasiko gara.


http://iratxeallend1.wix.com/ehko60abestifamatuen

2015/03/12

AC DC Back in black erritmograma

Musikarma blogean, Musichicosen AC DCren erritmograma bat topatu dut, oso egingarria eta ezberdina iruditu zait, eta  ohitura ez galtzeko, hementxe dago nik erabiliko dudan guztia moldatuta eta batera.

http://iratxeallend1.wix.com/acdc-backinblack

2015/03/11

19. Korrika, gure bertsioa

Hemen dago gure eskolako bertsioa, aurtengo abestia letra asko dauka eta osoa ikastea konplikatu xamarra da, baina..... keinu hizkuntza ezin falta, sikeran leloan, ezta? hau bai erraza!! 
Gure KORRIKAWIXean topa dezakezue, baita KEINUHIZKUNTZAKOABESTIAKen ere!!
Eskerrik asko Miren Larreari, piktogramekin egindako bideoagatik, lan bikaina.


2015/03/02

Lan ta lan

Ikasturtea hasi zenetik hainbat eta hainbat ariketa eta ekintza egin ditugu, ez larritu, ondiño ez dugu amaitu eta!!! lanean jarraituko dugu, bai, baina bitartean, hementxe dituzue, orain arte egindakoaren lagin bat. Badakizue, grabatzen duguna, gero hausnarketa egiteko erabiltzen dugula, beraz, nahi baduzue, etxean egizue gurasoekin.
Gauzak gehitzen joango gara, beraz, adi egon!!

http://iratxeallend1.wix.com/14-15ikasturtekolana

2015/02/26

Armonika dator!!!

Gaurko mintegia benetan oso emankorra izan da. PENTAGRAMA ENEAaren sortzailea, Antton Jauregi ezagutu dugu, eta benetan  niretzako erabilgarriak diren ideia eta material pilo erakutsi eta praktikatu dugu. Idazten dizuenaren burua martxan dago jada, zoragarria!!
Gauza askoren artean, hasteko, gutxi barru musika tresna berria ezagutuko eta ikasiko duzue, ziur, beraz.......joan prestatzen!

http://anttonjauregi.wix.com/armonika-enea

2015/02/25

2015/02/20

19. Korrika badator!!

Iñauteriak badoaz, eta KORRIKA badator!! hementxe orain arte korrikarako sortutako abestien bilduma eguneratuta. 

19.KORRIKA  EUSKAHALDUN!!
         UREPELETIK BILBORA, martxoaren 19tik 29ra.


http://iratxeallend1.wix.com/korrikaabestiak

Iñauterietarako proposamenak

Hauek dira B03-B05 musika mintegiko irakasleek luzatzen dizkiguten ideiak. Aprobetxatuko ditugu, ziur, mila esker!!

http:/

2015/02/18

Kanon erritmikoa

Hementxe daude gure 6.Dko fenomenoak!! Argi dago: Nahi denean, lortzen dena.....itzela da!!  Noiz behinka internetekin arazoak eukitzea ez dago txarto. Gozatu!




2015/02/05

Agate Deuna 2015

Hementxe duzue Agate Deunan abestutakoaren bideoa. Lan polita! datorren urtean gehiago, hobeto, eta eguraldi hobea egiten baldin badu, kalera oles egitera!!



Txanela digitala

Paperaren erabilpena, alde batera uzten dugunontzako.....Txanela proiektua, modu digitalean. Aukera gehiago guretzako, ederto!. Mementuz, 1. mailatik 4. mailara, 5. eta 6. egon badaude, baina dirudienez oso ondo ez dabiltzate. Eskerrik asko Agurtzane Goitia!

http://www.ikaselkar.eus/musika_digitala/txanela2/http://www.ikaselkar.eus/musika_digitala/txanela1/

http://www.ikaselkar.eus/musika_digitala/txanela4/http://www.ikaselkar.eus/musika_digitala/txanela3/

2015/01/29

Agate Deuna gure erara

Agate Deuna bezperan, eskoletan eta kaleetan, abestera irteten gara. Bertsio pilo daude, eta horien artean bat, gurea. 
Abestiekin batera, bideoak, kondairak eta beste lagun batzuk sortutako materiala duzue.

http://iratxeallend1.wix.com/agatedeuna

2015/01/25

Abestiak Keinu hizkuntzan

Wix honetan eskolan, keinu hizkuntzan prestatzen ditugun abestien bideoak eta interneten topatzen ditugunak gehitzen joango gara, mementuz batzuk jada, badaude. Praktikatzen hasi!

http://iratxeallend1.wix.com/keinuhizkuntzatamusi

Zirko bat datorkigu

Iñauteriak prestatzen jarraitzeko, bideo berri hau. Dantzatu, abestu eta keinu hizkuntza... gero eta gauza gehiago, baina gustora!. Ditugun keinu hizkuntzalariekin, lana erraza egiten da. Mila esker!!


MUSANIMekin musikomobigramak egin

Gaur, MUSANIM, Music Animation Machine, aurkitu dut, eta atzo musika ulertzeko eta irakurtzeko hainbat era daudela komentatzen banuen, gaur beste bat gehitu behar diogu, musikomobigramak!.
Hiru pausotan ordenagailuan instalatu eta musika IKUSTERA.
Aplikazio honek MIDIak irakurtzen ditu, kontutan hartu.


MUSANIM instalatzeko hemen klikatu.

                                     Tutoriala


Hementxe adibide bat



Eta hementxe midi asko praktikatzeko
- Ikasbil
- Musicamidigratis 


2015/01/24

Flash musikogramak

Musika egiteko erabiltzen diren "osagaiak" ulertzeko eta ikasteko, beti ez dira ohiko partiturak erabili behar, askotan, askoz errazago eta hobeto ulertzen ditugu beste grafia batzuk: Erritmogramak, musikogramak, marrazkiak, geuk asmatutakoak.....Orain ikusiko duzuen moduan, teknologia berriak aukera asko eskaintzen dizkigute, hauen artean musikogrameei bizitza ematea.
Hemen adibide batzuk dituzue. Pixkanaka-pixkanaka topatzen ditudan beste batzuk gehitzen joango naiz.
Gero ta aitzakia gutxiago dituzue musika ez ulertzeko eta ez maitatzeko!

http://iratxeallend1.wix.com/musikogramak